Jungfraumarathon 2010
Morgä am sächsi im Grauholz träffä sich as paar Vinophoniker, leider bruchts nid emou vier Häng zum dürä zeuä (merci viu mou a diä wo Zyt gha hei). Nach erä chlinä Verpflegig machä mir üs uf ä Wäg nach Luterbrunnä zur Ungerstützig vo denä wo nüd bessers ztüe hei aus sich z‘quälä (gäu Rödlä nöchscht Johr bisch ou so einä). Am 8chti hocke mir scho im Bähnli und der dr Chrüterschnaps macht ou scho d’Rundi, hallo Raphi hesch gseh mir si grad am nä Flugplatz dürä (d‘Handyabieter hei sicher freud gha)!!! Am Bahnhof z‘Luterbrunnä bi schönschtem Wätter spilä mir mou eis zwöi mit em Tambi Bignia wo das perfekt agstimmt het, zur Belohnig gits de ou äs Lunchsäckli. Nachdäm mir a üsem Platz acho si d’Instrument deponiert hei, hei mir no Zyt gha für näs Mineral und ????? z’trinkä. So jetz geits drum diä vilä Löufer zungerstützä jo sogar s’Tussi on Tour isch derbi gsi und mir hei gspiut und gspiut und…………gspiut. Ou ha ganz vergässä dr Pascal z’erwähne wo zu üs gluet het und üs nachem Uftritt uf d’Winteregg gfüehrt het zum erholä!!! Chässchnitte, Röschti, Salat das heit dir aues verpasst wo nid derbi sit gsi und ersch das Panorama. Dr Fredi het sogar no Schnee gfungä uf em Wäg zum WC u het ou no si Zungä drin kühlt. Wiä mir so si hei mir natürlich ou dört obä no eis, zwöi gschpiut zwüschem schlofa,sünnelä, jassä und diskutierä. Am 5i hei mirs Gondeli gno und si wieder abä uf Luterbrunnä und hei dr Marsch unger Zoggeli gno bis zum randvou gfülltä Feschtzäut. Dört hei mir wieder ä Stärki becho, do dr Cyril süsch äuä i nes Hungerloch gheit wär, dä ARM het dr ganz Tag nüd gässä oder emu fasch nüd!!! Für d’Stimmig im Zelt hei mir ou gsorgt gäu Bignia und Pfupfi (Zuckerhäsli) zwar isch üsi Bolonaise abrupt beendet wordä dür diä zwe Musikantä, wobi bim 2 mou hei sis begriffä, das mä sött witer spilä. Mir hei im Zäut no 2 mou gschpiut und hei no einisch Vougas gäh, bis doch so näh ……. cho isch und sich beklagt het mir spili Sch……. Aber Bignia üsä super Tambi het sich nid loh drus bringä vo derä Z…….. Hie no einisch äs grosses Merci du hesch das super gmacht!!!!!!! Churz druf abä hei mir üs uf ä Heiwäg gmacht, merci ou no einisch am Pascal üsnä Gescht und dr Vinos wo dr Wäg uf Luterbrunnä gfungä hei. Wenn Dir meh weit wüssä müesst Dir s’nöchscht mou eifach mit cho!